Рокованя меджі Споєныма штатами і Іраном бы ся могли в найблизшых днях одбыти в Пакістанї. Подля аґентуры АП то в недїлю повів пакістаньскый міністер загранічных дїл Ішак Дар. Не уточнив, ці бы ішло о непрямы або прямы розговоры, але увів, же Іран і США выразили довіру в їх забезпечіня Пакістаном. Вошінґтом ани Тегеран на то безпосередно не реаґовали, інформує о тім TASR. Дар ся так выразив по стрїчі зо своїма колеґами зо Савдьской Арабії, Еґіпта і Турції в Ісламабадї. Міністры подля нёго роковали о можных способах закончіня войны на Близкім выходї, котры выкликали америцькы і ізраельскы атакы на Іран 28. фебруара. Тегеран одвтоды в одветї уточіть на Ізраел а штаты перзского заливу.

(TASR, Шутіова)