Парламентне згромаджіня Рады Европы (ПЗ РЕ) схвалило пропозіцію на обновліня права голосовати про Росію по тім, як їй было взяте перед пятьома роками в дослідку російской анексії Крымского півострова. Згромаджіня схвалило пропозіцію в ночі на віторок, інформовала аґентура DPA. Наперек міцній крітіці Україны Росія буде годна діспоновати делеґаційов і буде брати участь на вольбі нового ґенералного секретаря того паневропского тілеса. Росія по тім, што пришла о право голосовати, одповідала бойкотом того згромаджіня і од 2017-го року не выплачала свій вклад тій людьскоправній орґанізації в сумі 33 міліонів евр. Грозила цілковым одходом з Рады Европы, покля бы не мала можливость голосовати о вольбі нового секретаря, што буде проходити в середу.

(Медвідь, TASR)