Словіньскы єдноткы, котры суть частёв Многонародной боёвой ґрупы Североатлантічной аліанції (МН БҐ NATO) на Словакії, закончать 30. юна 2024 пособлїня на Словакії а пересунуть ся до Румунії. У четверь о тім вырїшыла словіньска влада, інформує о тім TASR на основі справы аґентуры STA. Словіньска армада мать в рамках МН БҐ NATO на Словакії 105 вояків. Подля рїшіня Любляны будуть словіньскы єдноткы в другій половинї рока 2024 дїяти в юговыходній области NATO, конкретно в Румунії, де Словіньско спадать подля операчного плану.

(TASR, Шутіова)