Ґенералный секретарь НАТО Єнс Столтенберґ у віторок по їднаню зо шефом україньской діпломації Дмитром Кулебом вызвав Росію, жебы стягла вояків з граніць з Українов. Підкреслив, же о тім, ці Україна стане членом Североатлантічной аліанції, вырішыть Аліанція, не Москва. Як повів шеф НАТО, в остатніх тыжднях Росія насадила тісячі вояків приготовленых на бой на україньскых граніцях, што є найвекша присутность російскых войск од нелеґалной анексії Криму у 2014-ім році. Додав, же Росія мусить закінчіти свою воєньску консолідацію, зречі ся провокацій і знижыти напругы. Шеф україньской діпломації на пресконференції повів, же Україна хоче конфлікт на выході свойой теріторії рішыти діпломатічныма і політічныма средствами вєдно із западныма партнерами, і не хоче повторяти хыбы з року 2014.

(Медвідь, TASR)