Америцькый презідент Доналд Трамп твердить, же потенціоналный міровый договор о Україні гамує Києв, покля што Росія є приправлена на його підпис. В дебаті про аґентуру Reuters Трамп тыж повів, же не знать о можній путі свого выняткового высланца Стефі Віткоффа і свого затя Йареда Кушнера до Москвы, як о тім вчера інформовала аґентура Bloomberg. Російскый презідент Владімір Путін є подля Трампа приправленый підписати договор о скінчіню скоро штирі рокы тырваючой войны на Україні. „Думам собі, же Україна є менше приправлена на договор,“ конштатовав Трамп. На вопрос, чом на їднанях керуваных Сполученыма штатами дотеперь недошло до вырішіня найвекшого воєньского конфлікту в Европі од другой світовой войны, Трамп одповів: „Зеленьскый.“ (TASR, Пкф)