Безпечностна служба  Україны (SBU) ознамила, же при „небезпечній шпеціалній операції“ затримала Віктора Медведчука, котрый є близькым союзником російского презідента Владіміра Путіна на Україні. Інформували о тім вчера вечур аґентуры AFP і Reuters. Україньскый презідент Володимир Зеленськый на своїм конті на соціалній сіті Телеґрам опубліковав оліґархову фотоґрафію в желізках. Медведчук є лідром найвекшой україньской опозічной партії з назвом Опозічна платформа – За жывот. Його діятельность была урядами позаставена про його контакты на Росію. Сам Медведчук быв од мая минулого рока в домашнім арешті. Быв обвиненый з переводу ліценції на тяжіня ропы і земного пліну з єдного з поля на Криму, котрый Росія анктовала в року 2014, на російскы орґаны, як і  як повідають опублікованя утайованых інформацій о розміщеню україньскых воєньскых часті. (TASR, Pkf)