Европска унія думать, же Сірія є вже достаточно безпечна про навернутя біженців. Повіли то бруселскы представителі в повязаню із намагов Росії просадити, жебы вшыткы біженці вернули до державы і жебы меджінародна общіна выділила грошы на їй обновліня. В понедільок о тім інформовала аґентура Reuters. В тій справі мають іщі тот тыждень їднати міністры загранічных діл Унії. Европскы представителі очекують, же Брусел буде надалше тримати ся свойой позіції не давати грошы на реконштруцкію Сірії, покля ся презідент Башар Асад, підпорьованый російсков і іраньсков армійов, не поділить о власти із опозіційов.
(Медвідь, TASR)