Вшыткы польскы міністры, котры были на останім засіданю влады, мусили іти на тесты на новый коронавірус. Стало ся так по тім, як была інфікація в понедільок потверджена у міністра жывотного оточіня Михала Воса. З одкликаньом ся на віторкове выголошіня Михала Дворчіка, шефа уряду польского премєра, о тім інформовала аґентура Reuters. Дворчік в повязаню з тым уточнив, же на засіданю не брало участь 9 із 24-ох членів влады, включно премєра Матеуша Моравєцького і міністра здравотницьтва Лукаша Сумовского. Інфікованый міністер жывотного оточіня Вос іщі в понедільок повів, же быв позітівно тестованый на коронавірус і є в карантені. Подля властных слов ся чує добрі.

(Медвідь, TASR)