Покля мадярьскый парламент цілый час одкладать ратіфікацію вступу Швеції до Североатлантічной аліанції, Штокголм нашов способ, як тоту проблему обыйти. В середу о тім інформовав сервер mfor.hu на основі інформації брітантьского денника The Guardian. Швеція подля денника підписала з Вашінґтоном договор о оборонній співпраці, котрый уможнює Споєным штатам приступ ку вшыткым воєньскым базам той шкандінавской країны. Шведьскый міністер обороны Пал Йонсон повів, же договор творить про Швецію ліпшы условії на здобытя підпоры од Споєных штатів в припаді войны або крізы. Йонсон додав, же співпраца значіть наприклад ускладніня оборонной технікы на тых воєньскых базах, де то є стратеґічно найважнішым.

(Медвідь, TASR)