Шпыталь у шведьскім містї Ґотеборґ у четверь ознамив, же успішно одбыв операцію, при котрій паціентови трансплантовали обидві рукы, інформовала о тім аґентура DPA. Ішло о першый такый закрок в тій країнї. Рукы од дарцю трансплантовали особі, котра о обидві рукы пришла перед дакількыма роками в дослїдку інфекції. Операція тырвала 18 годин а робило на нєй веце як 15 хірурґів, здравотных сестер і анестезіолоґів, повів доктор і хірурґ Паоло Сассу. Паціент быв годен уж день по операції рушати вшыткыма десятёма перстами на руках.  

(TASR, Шутіова)