x

Інтерес о очкованя в часі літа в ЧР значно ся понижыв

00

Дакотрым вакцінам протів ковіду ся в Чехії кінчить датум спотребы і закінчують в коші. Авґуст є в тім напрямі уж теперь рекордным місяцьом. Шпиталі мусіли од зачатку авґуста зліквідувати 1594 давок, што є найвеце за єден місяць од зачатку проґраму на очкованя в країні. Лікарі ся стрічавають і з пониженям чісла інтересуючіх о вакціну, інформував вчера о тім інтерентовый портал   Novinky.cz. Інтерес о очкованя в часі літа в ЧР значно ся понижыв. На зачатку літніх вакацій подали чеськы здравотници каждый день коло 100.000 давок вакцін. За послідні два тыждні ся  їм шак подарило ледва 50.000 давок денні. (TASR, Pkf)