x

Іран хоче розговоры із США аж по зрушіню санкцій

00

Іраньскый презідент Гасан Ругані у віторок повів, же Тегеран собі желать розговоры з Вашінґтоном, але Споєны штаты мусять наперед зрушыти санкції, котры суть даны на ісламску републіку. Інформовала о тім аґентура AFP. Подобно вже у понедільок выразив ся і іраньскый міністер загранічных діл Могаммад Джавад Заріф. Вашінґтон запровадив санкції по тім, што Споєны штаты одступили од нуклеарьного договору з Іраном. Вашінґтон повторяно обвинює Іран з воєньской аґресії і в остатніх тыжднях наростало напятя іщі веце в повязаню зо затриманьом загранічных ропных танкерів в Перзькім заливі Іраном.

(Медвідь, TASR)