Іспаньскый найвысшый суд пожадав у понедільок апелаційну судну інштанцію в італійскім місті Сассарі, жебы затримала бывшых каталаньскых політіків Тоніго Коміна і Клару Пансатіову. Судця іспаньского найвысшого суду Пабло Лларена в писмі про аґентуру Европской унії про юстічну співпрацу в карных справах Eurojust пише, же Комін і Понстатіова не мають імуніту і на Сардінію пішли, жебы допроводили бывшого лідера каталаньскых сепратістів і днесь евродепутата Карлеса Пуждемона, котрый там быв затриманый і чекать на рішіня суду о його выданю до Іспанії. Приказы на затриманя обидвох політіків, котры были выданы за бунтованя і неконштітучный референдум, суть подля найвысшого суду все в платности.

(Медвідь, TASR)