Европська  комісія (ЕК) немусить продовжыти договор з фармацевтічнов комапнійов AstraZeneca о накупліню вакцін протів ковіду, і то про повторуючі нескоры договорены додавкы. Контракт актуалні платить до кінця юна. Інформував о тім еврокомісар про внутрішній торг Тгіерри Бретон, котрого цітовала аґентура AFP. Европська комісія обєднала 120 міліонів давок вакцін од AstraZenecy про першый квартал  і 180 міліонів про другый квартал року 2021. Але в першім кварталі компанія додала лем 30 міліонів давок. Што запричінило проблемы вшыткым членьскым країнам. На другый квартал авізовала доданя лем 70 міліонів давок. Бретон прото назначів, же договор з AstraZenecou, котрой діяня ся кінчить 30-го юна, немусить быти знова продовженый. (TASR, Pkf)