Приятя повинной квоты міґрантів є в незгоді з вольов Мадярів, написав на сіті Facebook мадярьскый премєр Віктор Орбан. Подобный статус Орбан публіковав і минувшу пятніцю, кедь остро крітіковав пропозіцію новых правил міґрації і азіловой політікы. Договор міністрів внутрішніх справ членьскых країн Европской унії о зміні правил в области міґрації і азіловой політікы Унії з минувшого четверьга значіть, же державы можуть зачати їднаня о тых правилах з Европскым парламентом. Міністры їднали і о створіню повинной сістемы перероздільованя міґрантів меджі членьскы країны. Мадярьскый премєр коментовав, же Брусел знеужывать свою міць і хоче насилно переселити міґрантів до Мадярьска, што є в незгоді з реултатом референдума, в котрім ся Мадяры ку тій темі высловили.

(Медвідь, TASR)