Французькый міністер фінанцій вызвав европскых партнерів, жебы строгіше закрочіли проти фірмам як Google, Amazon і Facebook, котры ся намагають різныма способами знижыти собі дані. То суть россяглы пересуны фінанцій наднародных корпорацій в рамках Европы, а то там, де собі договорами забезпечіли

При гаварії ероплану америцького наморництва в Місісіпі загынуло 16 людей. Машына KC- 130 Hercules упала на сойове поле, причіна гаварії затля не є знама. Представитель поліції в телевізії повів, же ероплан віз муніцію. (Анна Кузмякова)

Еропланы в Росії выкликали неприроднов формов додж, жебы помогли загасити лісный пожар в Забайкалскім краю на Сібірі. Вдяка людьскому засягу до метеoрoлоґічных процесів ся подарило загасити 24 лісных пожарів у шестьох окресах. (Анна Кузмякова)

Небезпеченство ядровой войны міджі Споєныма штатами Америкы і Корейсков людоводемократічнов републіков є екстремно высоке. Воєньскы маневры в пятніцю на теріторії Южной Кореї были незодповіднов провокаційов, написала в неділю северокорейска пресова аґентура KCNA, котрой выголошіня традічно копіріють позіції режіму. На маневрах

Европска унія повзбудила в неділю жытелів Іраку ку взаємному зміріню по тім, што тамтешня влада оголосила освободжіня міста Мосул спід надвлады терорістічной орґанізації Ісламскый штат. „Теперь має рішуче значіня, жебы ся зачав процес про навернутя і обновліня довіры міджі комунітами,

Росія мусить зробити першы крокы напрямом ку деескалації конфлікту на выході Україны. Почас навщівы Києва то в неділю повів шеф америцькой діпломації Рекс Тіллерсон, котрого цітовала аґентура Asociated Press. „Є безодкладне, жебы Росія зробила першы крокы ку успокоїню сітуації во

Австрія заказала турецькому міністрови господарьства вступ на свою теріторію. Міністер Нігат Зейбекчі хотів брати участь на події із нагоды річніці невыдареной пробы о пуч в Турції. Інформовало о тім австрійске міністерство загранічных діл. Заказ выдав австрійскый міністер Себастіан Курц. Подобне

Америцькый віцепрезідент Майк Пенс выголосив, же США зачінають нову еру сондованя весміру і слюбив, же ёго країна вышли людску посадку на Марс а тыж назад на місяць. Пенс, котрый ся дістав до чела недавно обновленой народной рады про весмір, то

Орґанізаторы походу одпорцїв саміту країн Ґ20 уліцями Гамбурґу, котрый вчера поліція по дакілько метрах заставила про аси тисячку маскованых участників, го подля поліцайных здроїв выголосили за скінченый. Стало ся так по зражках беспечностных зложок з демонштрантами, котрых тверде ядро передтым

Бісїды о зєдночіню Ціпру скінчіли по выгроченій ночній дебатї не успішно. Турція подля діпломатічных здроїв одмітала з острова стягнути вояків, што была засадна жадость Ґреків. (Зденка Цітрякова)

Уряды в чіньскій окремій адміністратівній области Гонконґ згабали тот тыждень найвекшый контрабанд слоновіны за прошлых веце як 30 років. Тота бывша брітьска колонія є єдным з найрушнїшых транзітных пунктів ґлобалного ілеґалного обходу з огроженыма жівочішныма другами і цїнныма продуктами. Містны

Німецька канцеларька Meркелова ся днесь вечур в Гамбурґу зыйде з Трампом і Ердоґаном. Покы перша стріча буде о приправі саміту G20, друга ся буде істо заподівати проблемами німецько-турецькых одношінь. Tурецькый презідент Eрдоґан повів, же Німецько ся допущать самовражды, кедь му

Iзраільскый презідент oдпустив eкспремєрови Олмертови звышок тресту за корупцію. Тот быв першым ізраільскым експремєром, котрый собі одсидів трест в арешті. Презідент Рівлін му вчера знижыв трест із 27 місяців нa 16,5 місяця, котры Oлмерт уж одсидів. Презідент своїм выносом зрушыв

Брусел зважує далшу покуту про Google, пише Reuters. Фірма подля ЕУ обмежує выробців і операторів, котры вжывають сістему Android, oкрем іншого і пожадавков, жебы быв на заряджінях предіншталованый выглядавач Google Search. (Анна Кузмякова)

Kремель очекує, же на завтрашній стрічі Путіна з Трампом ся подарить надвязати робочій діалоґ, котрый є основный про цілый світ, і котрый поможе вырішыти многы світовы конфлікты. (Анна Кузмякова)