20 років тому, 12-го марца 1999-го року, Чеська републіка вєдно із Мадярьском і Польщов вступили до Североатлантічной аліанції. Были то першы країны бывшого совітьского блоку в першій волні росшырьованя аліанції. Діскусії о вступі зачали такой по новембрі 1989-го року, у 1994-ім році ся тоты державы залучіли до аліанчного проґраму Партнерство за мір. Запрошіня на вступ до НАТО дістали на саміті аліанції в Мадріді у 1997-ім році. 12-го марца1999-го року міністры загранічных діл тых трьох держав передали в місті Індепенденс в штаті Місурі (США) америцькій резортній колеґыні Медлен Албрайтовій ратіфікачны документы. НАТО ся втогды розросло із 16 на 19 держав. В Чеській републіці є тот день од року 2000 в календарі як вызначный день.

(Медвідь, TASR)