Міністерство здравотницьтва посилнює в повязаню з коронавірусом телефонічны лінкы. Од понеділька прибыли ку попереднім баньскобыстіцькым контактам і контакты реґіоналных урядів верейного здравотницьтва в Братіславі, Тырнаві, Тренчіні, Нітрі, Жіліні, Пряшові і Кошыцях. Аґентуру TASR о тім інформовала говоркыня резорту Зузана Еліашова. Приближыла, же на єдній телефонічній лінці денно было коло сто телефонатів. Єднака была і кількость імейлів. Еліашова інформовала, же фаховці давають людям інформації о актуалній сітуації в справі коронавірусу і давають рекомендації особам, котры ся находять в областях, респектівно ся вернули з країн, в котрых ся вірус потвердив. Актуалізованы інформації і чісла телефонів ку споминаній темі міністерство і Уряд верейного здравотницьтва публікує на своїм сайті, як і на соціалных сітях. Вірус на Словакії затля не быв потвердженый.

(Медвідь, TASR)