Сербія і Косово в неділю по веце як 1,5-річній перерві обновлять взаємны розговоры, котры бы мали вести ку нормалізації взаємных односин. Інформовала о тім в понедільок аґентура Associated Press з одкликаньом на говорцю Европской комісії. Ку столу їднань бы мали 12-го юла засісти косовскый премєр Авдуллаг Готі і сербскый презідент Александар Вучіч. Обидвох представителів у Бруселі привітать шеф діпломації Европской унії Жосеп Боррелл. Буде то перша стріча в тім форматі од новембра 2018-го року. Неділняйшу стрічу в Бруселі буде опередити пятніцьовый сербско-косовскый відеосаміт, котрый довєдна орґанізують французькый презідент Еммануел Макрон і німецька канцеларька Анґела Меркелова. Белеград не признавать незалежность Косова, котру тота сербска провінція выголосила єдносторонно у 2008-ім році.

(Медвідь, TASR)