Чеськый премєрь Петр Фіала ся вчера на замку в Ланох стрітнув з дослугуючім презідентом Мілошом Земаном на послідній робочій вечері. Земан подля председы влады біланцовав нелем взаємну сполупрацу, але і свою цілкову політичну путь, інформує справодайкыня пресаґентуры TASR в Празі.  За найважніше в їх веце як рік тырваючій сполупраці означів момент, кедь Чехія по російскій інвазії на Україну указала таке саме заграничнополітичне одношіня на вшыткых уровнях політикы. Подля Фіалу то приспіло і на авторіті Чеськой републикы за границями. Земанові ся презідентьскый мандат скічить о півночі зо середы на четверь 9-го марца. (TASR, Pkf)