Комісарь про дїти удїлив перше оцїнїня самосправі, котра ся довгодобо а сістематічно венує дїтём і молодым людём. Оцїнїня Самосправа приятельска ку дїтём здобыло місто Снина. Як TASR інформовали з уряду комісаря, удїлили го на святочнім сеймі Здружіня міст і сел Словакії (ZMOS). ,,Снина є прикладом, же і мімо великых міст може взникнути самосправа, котра дїтём досправды розумить а слухать їх. Вірю, же тото оцїнїня буде мотіваціёв про далшы села і міста на Словакії, жебы внимали дїти як повногоднотных жытелїв з правом на безпеку, підпору і партіціпацію,“ увів комісарь про дїти Йосиф Міклошко. Місто Снина нукать дїтём і молодежі од културных, шпортовых і навчалных подїй аж по низкопраговы службы. Уряд комісаря годнотив самосправы, котры суть частёв ZMOS-у, на основі допереду становленых крітерій.  

(TASR, Шутіова)