Предсидателька Европского парламенту Роберта Метсолова вєдно із лідерами політічных фракцій суть днесь на навщіві Копенгаґену, де з представителями Данії діскутують о пріорітах слідуючой презідії той країны в Раді Европской унії. В рамках навщівы мали представителі Унії наплановану стрічу з премєрков Данії Метте Фредеріксеновов, представителями парламенту і кральом Фредеріком X. Данія перебере шістьмісячну презідію в Раді ЕУ од Польщі 1-го юла, причім здобуде ключову роль при формованю далшого прямованя Унії. На кінцю децембра передасть презідію Кіпру.

(Медвідь, TASR)