Десятьтісяч обывателів Гонконґу ся вчера вечур зыйшло на свічковій демонштрації, котров собі припомянули 30-те выроча твердого засягнутя чіньскых безпечностных часті против продемократичным демонштрантам на пекінґскім Намістю небеского покоя. Мітінґ у світлі горячіх свічок спроваджав спів співанок, выступліня і промітаня докруток з тыждня тырваючіх покойных протестів на намісті Небеского покоя, котры безпечностны часті скінчили своїм бруталным засягнутям з 3-го і 4-го юна 1989-го року. Мітінґ ся одбыв на періферії Вікторія Парку, де ся згодна акція одбывать каждый рік од року 1989-го. (TASR, Пкф)