Коло 100.000 людей ся вчера вечур зыйшло на Вацлавскім намістю в центрі Прагы, абы жадали демісію премьєра Андрея Бабіша, інформувала аґентура AFP, котра додала, же іде о найвекшу демонштрацію в Чехії за послідні десятьріча.  Демонштрацію знову орґанізувала ініціютіва Міліон хвілек. Єй председа Мікулаш Мінарь одгаднув, же чісло демонштуючіх на намістю было коло 120.000. За справодайскым порталом Novinky.cz участникы демонштрації жадають і ґаранцію незалежной юстіції і хочуть одход міністеркы справоливости Марії Бенешовой. Демонштрація ся одбыла тыждень по протестах, котры ся одбывали в десятках містах в цілій Чехії. Актуалный протест ся одбыв під моттом „Маме того дость! Демісію“. (TASR, Пкф)