Председа мімопарламентной мадярьской партії TISZA Петер Мадяр в понедільок вызвав председу влады Віктора Орбана на публічный діалоґ. Мадяр, котрый є найактівнішым крітіком Орбана, на сіті Facebook інформовав, же бы хотів з премєром розговор на публічнім місці, нажыво в прямім ефірі. Хотів бы з ним діскутовати о екзістенціалных вопросах, ці о здравотній старостливости о людей. Окрім того бы тотів продіскутовати вопросы загранічной політікы, котры „знепокоюють премєра“, бісідовати наприклад о вопросах войны і міру, одношіню ку ЕУ або погляді на НАТО. На вызву реаґовав директор комунікації Орбановой партії Fidesz Тамаш Менцер, котрый окрім іншого повів, же Мадяр ниґда не выграть вольбы, бо люди не будуть волити дакого, кого овладать україньскый презідент Володимір Зеленьскый.

(Медвідь, TASR)