Соціална поіщовня славностно одкрыла свою нову філіялку на улиці Централній 632/7 у Свіднику. Переселіня приносить модерны і комфортнішы просторы, котры суть вытворены про ліпшы службы клієнтам. Нова локаліта є стратегічно выгодна, в пішій доступности окресного уряду і уряду праці, што клієнтам ушпорить час. К діспозіції є тыж доступне паркованя. Міністер праці Ерік Томаш і ґенералный діректор Соціалной поіщовні Міхал Тарішка підкреслили, же модернізація просторів філіялкы іде рука в руці з діґіталнов трансформаціов. Філіялка у Свіднику є єдна з найменшых на Словакії і давать сервіс множеству загранічным клієнтам. Джерело фотоґрафії: Sociálna poisťovňa/facebook (Pkf)