По веце як році од атентату на премєра Роберта Фіца почав днесь на Шпеціалізованім карнім суді в Баньскій Быстріці судный процес із Юрайом Ц., котрый стріляв на премєра. Обжалованый є із вынятково важного злочіну терорістічной атакы зробленой на храненій особі. Председу влады важно пострілив влони 15-го мая в Гандловій, де мала влада выїздове засіданя. Председа влады, котрый є в позіції пошкодженого, на суд не пришов. Юрайови Ц. грозить дожывотный арешт. Наперед быв обвиненый з вынятково важного злочіну убийства зробленого в штадію пробы. В юлі 2024-го року дішло ку зміні правной кваліфікації на вынятково важный злочін терорістічной атакы.

(Медвідь, TASR)