В Албанії в понедільок почав судный процес із бывшым презідентом і екпремєром Салім Берішом, котрый є обжалованый із корупції. Сучасный лідер опозіції на суд не пришов і його правници пожадали о выміну судців. Суд переніс засіданя на септембер. Беріша, председа найвекшой албаньской опозічной Демократічной партії, є обжалованый із „пасівной корупції з боку высокопоставленого представителя“. Має то быти повязане з пріватізаційов публічных фундушів у Тірані, і кавза сягать до року 2008. Вісемдесятьрічный Беріша в понедільок не пришов на суд, і албаньскым медіям повів, же го будуть заступати його правници. AFP припоминать, же експрезідент повторяно дементовав обвиніня з корупції і означів їх за політічны, причім повів, же за нима стоїть сучасный премєр Еді Рама.

(Медвідь, TASR)