Белґійскый міністер загранічных діл Максім Превот вночі на віторок інформовав, же Белґія признать Палестіньску державу. Ку тому кроку має прийти на Валній громаді Орґанізації зъєдиненых народів тот місяць, інформує аґентура AFP. Міністер так само написав, же проти Ізраіля будуть прияты строгы санкції. Превот арґументовав признаня Палестіны „гуманітарнов траґедійов“ в Пасмі Ґазы. Підкреслив, же цільом тых кроків не є карати ізраільскый народ, але досягнути, жебы ізраільска влада решпектовала меджінародне і гуманітарне право, і жебы зробили ся крокы на зміну сітуації в палестіньскій енклаві. Палестіну як незалежну державу признавать веце як 140 із 193-ох членьскых країн Орґанізації зъєдиненых народів, включно дакотрых держав Европской унії, як є Іспанія і Ірландія.

(Медвідь, TASR)