Тісячі людей в понедільок знова походовали уліцями сербского Белеграду в рамках продовжуючіх противладных протестів, котры уж місяці роблять тиск на презідента Александра Вучіча, інформує аґентура Reuters. Понедільковый поход проходив у сімболічнім тиху на память 16-ох жертв нещастя в Новім Саді із 1-го новембра минувшого року, што наштартовало протесты. Тиск людей в януарі вів ку одступліню премєра Мілоша Вучевіча і впаджіню його влады. Демонштранты далше жадають выписаня передчасных волеб, што презідент не хоче припустити, і протесты означів за часть загранічного сприсіганя. Владна Сербска проґресівна партія орґанізує властны мітінґы. На недільнім подля поліції взяло участь 100 тісяч людей, но аґентурі AFP ся то не подарило незалежно провірити.

(Медвідь, TASR)