Америцькый презідент Доналд Трамп у четверь повів европскым лідрам зучастненым на самітї тзв коаліції охотных в Паріжу, же Европа мусить перестати куповати російску ропу, накілько то подля нёго помагать Москві фінанцовати своє воєньске тяжіня проти Укаїнї. Про аґентуру Reuters то увів неменованый представітель Білого дому, пише TASR. Трампову вызву перестати накуповати російску ропу пізнїше потвердив і україньскый презідент Володимир Зеленьскый. ,,Презідент Трамп є барз неспокойный з тым, же Европа накупує російску ропу. Меджі іншыма сути то дві державы, знаме, же іде о Мадярьско і Словеньско,“ повів україньскый лідер на тисковій конференції. Европска комісія в маю передставила пропозіцію леґіслатівы на поступне закончіня довозу російской ропы, ґазу і ядрового палива до країн ЕУ до 1. януара 2028. Председа влады СР Роберт Фіцо в реакції на то ознамив, же пропозіція є в єй сучасній подобі неакцептовательна, накілько бы выразно пошкодила конкуренціїспособность ЕУ і Словеньска.

(TASR,  Шутіова)