Русины бы привітали перегоднотїня зрушіня дня робочого покоя 6. януара а пропонують зрушыти день робочого покоя при іншім штатнім святі як є русиньске Рождество. Про TASR то увів председа Русиньской оброды на Словеньску Мартін Караш. ,,Повно сі усвідомлюєме потребу оздравлёваня верейных фінанцій  а тыж розумиме, же влада СР глядать різны способы, котры бы штонайменше економічно засягли жытелїв Словеньска. На другім боцї є але Рождество про велику часть людей єдным з найвекшых свят в роцї. А і про Русинів, ці уж православных або ґрекокатоликів, котры святкують Рождество подля юліаньского календарья рождественнов вечерёв 6. януара вечур  а наслїдно і самым святом Рождества на другый день 7. януара, є барз важне,“ повів Караш. Зато бы подля нёго мож было перегоднотити, ці бы на єден рік не было лїпше зрушыти день робочого покоя при іншім штатнім святї, як є русиньске Рождество.

(TASR, Шутіова)