Польскый міністер загранічных діл Радослав Сікорьскый в понедільок остерігав Росію перед дослідками далшого нарушіня воздушного порстору Польщі. Повів то в приговорі на міморяднім засіданю Безпечностной рады Орґанізації зъєдиненых народів у Ню Йорку, котре было скликане в звязі з недавным нарушіньом естоньского воздушного простору російскыма літаками. Сікорьскый повів, же кедь далша ракета або літак вступить до воздушного простору без позволіня, замірно або омылом, будуть зострілены і черепы впадуть на теріторію НАТО. Попросив, жебы ся пак не ходила Москва скаржыти. Сікорьскый на адресу Росії повів, же іґнорує меджінародне право, не є способна жыти в мірі із своїма сусідами. Припомянув роль Москвы на розпочатю веце конфліктів, включно двох світовых воєн, і апеловав на Кремель, жебы не выкликовав далшый конфлікт світового розсягу.

(Медвідь, TASR)