Директоры і представителі школ вызывають посланців на себерефлексію і навернутя ку основным прінціпам почливости, себеовладаня і решпекту. Адресовали їм одкрыте псимо, котре має того часу 215 підписів. Вказують в нім на то, же школярі реаґують на недавне діяня в пленумі Народной рады СР, почас котрого дішло до фізічных нападів і вулґарізмів. Директоры припоминають, же парламент має быти місцьом, де конфлікты рішають ся арґументами, діалоґом, взаємным решпектом, не силов, кричаньом, понижованьом. Як підкреслили, писмо не писали із політічных причін ани на хосен дакотрой політічной партії, але із чутя одповідности односно дітей і молодых, котрых выховлюють.

(Медвідь, TASR)