Наслідкы неочікованых природных катастроф помагать змірнити Пряшівскый самосправный край (ПСК) через свій крізовый фонд. Условійом є, жебы села і міста мали заплаченый повинный річный поплаток. За актуалный рік го мусять заплатити до 28-го фебруара. Край попереджує, же без заплачіня поплатку не будуть мочі самосправы черпати фінанчны средства. Пресаґентуру TASR о тім інформовала говоркыня ПСК Даша Єленьова. В минулости уж край через крізовый фонд поміг жытелям сел і міст, котры засягло  землетрясіня, заливы, воздушный выр ці огонь. Лем минулый рік дав через тот фонд веце як 42 000 евр тым, котры ся неочіковано нашли в крізовій сітуації. Пожадованый річный поплаток до Надачного фонду на рішіня крізовых сітуацій про рік 2026 є 0,10 евра на жытеля з тырвалым перебываньом в селі. Актуално є к меморандуму прилученых 161 зо 665 сел. З них мать заплаченый поплаток на тот рік лем 21 сел.  (TASR, Пкф)