Мімопарламентна партія Република їднать о тісній співпраці в комуналных вольбах із коалічнов SNS. Вопросы співпраці в будучорічных парламентных вольбах суть фурт  отворены. З Людовов партійов Наша Словакія Република не їднать. В діскусній релації телевізії Joj 24 „Політіка 24“ то увів председа партії і европосланець Мілан Угрік. Европосланець тыж выголосив, же владный Смер-SD не є про Републику „высниваным партнером“. Доповнив, же коректны односины мать партія і з KDH ці іншыма мімопарламентныма партіями. Авізовав, же в сітуації співпраці з KDH бы партія отворила културно-етічны темы і найшла бы з християньскыма демократами згоду. Пріорітов Републикы суть подля нього силовы часті штату і здравотницьтво. (TASR, Пкф)