По Мадярьску і Словакії пожадали Україну о поволіня на візіту к роповоду Дружба і дакотры штаты ЕУ підпоруючі Києв, написав о тім у вівторок денник Financial Times (FT). Цільом візіты є доказати, же ся Україна снажить роповод оправити і обновити додавкы суровины. Ропа з Росії не тече через Дружбу до Мадярьска і на Словакію од 27-го януара. Подля Києва є причінов російскый атак на заряджіня роповоду. Мадярьскый премьєр Віктор Орбан і словацый премьєр Роберт Фіцо підозрівають Україну з того, же додавкы покы нароком не обновила. Києв то одмітать і твердить, же працює на оправі пошкодженой інфраштруктуры. (TASR, Пкф)