Мадярьско буде ветовати пропозіцію европской унії на довоз ропы з Росії, выголосив вчера в дебаті про британьску верейнопублічну телевізію BBC говорця мадярьской влады Золтан Ковацс.  На вопрос модератора, ці Будапещ в данім вопросі, в котрім іде о єднотне выступльованя Европской унії, аплікує  право вета, Ковацс одповів: “Скорочено так. Мусиме шак відіти, як Унія фунґує. Пропозиція приходить з Бруселу, то значіть з адміністратівного бірократічного центра EÚ а не з членьскых країн. Пунктуално знають, же дана пропозиція є в конфлікті з мадярьскыма інтересами, не є реалізувательна, і як ю одобриме, так тым цалком знічіме мадярьске господарьство.“ (TASR, Pkf)