Чеська влада на своїм понедільковім засіданю схвалила меморандум о проглубліню співпраці із словацьков владов. По закінчіню засіданя то оголосив чеськый віцепремєр і міністер промыслу а обходу Карел Гавлічек. Єдночасно припомянув, же слідуючій тыждень знова одбуде ся сполочне засіданя влад СР і ЧР. Тото засіданя одбуде ся на замку Нова Горка в Моравскослезьскім краю. Послідні такы конзултації ся плановали на переломі апріля і мая 2024-го року, но не одбыли ся. Втогдышня чеська влада їх перервала з тым, же не є згодна з дакотрыма кроками словацькой влады в области загранічной політікы. Дотуляло ся то позіції влады Роберта Фіца односно войны на Україні. Передтым вєдно засідали в апрілю 2023-го року в Тренчіні.

(Медвідь, TASR)