В часі коло Свята вшыткых святых очікує Желізнична сполочность Словакія уж традично звышеный інтерес о транспорт влаком. З той причины сполочность посилнить транспортны споїня о два вынятковы влакы і 30 такзваных посильовачіх влаків. То значить, од пятниці 27. октобра до середы 1 новембра будуть высланы два влакы катеґорії ЕуроЦіті, 12 ріхліків , 14 реґіоналных ріхліків і штирі реґіоналны експресы. Найбівше влаків піде в неділю 29.октобра і в середу 1. Новембра, коли дана сполочность очікує з боку людей найбівшый інтерес о транспорт.
(Петро Кімак-Фейко)