Міністерство здравотництва СР выголосило в середу вызву на будованя сїтї реґіоналных центер інтеґрованой старостливости. Алокована є сума 37,4 міліона евр. Вызва є становлена на проєкты мімо Братїславского края. Як доповнила міністерка здравотництва Зузана Долінкова (Hlas-SD), алокація є роздїлена подля кількости єднотливых країв. Міністерство приближыло, же реґіоналны центра інтеґрованой старостливости забезпечать вытворіня условій про зефектівнїня роботы здравотницкых робітників не лем коло додаваня здравотной старостливости, але і на усеку манажменту паціента. Вытворять подля нёго просторовы условія на пересун части адміністратівы зо здравотницкого персоналу на адміністратівных робітників ці підвышать хоснованя електронічных модулів ездравя.

(TASR, Шутіова)