Быв то складный, але успішный рік, оцінив попередніх 12 місяців в розговорі про ТASR дочасно повіреный міністер обороны Ярослав Надь. Вказав на зреалізованы і приготовлены модернізачны проєкты, звекшованя розрахунку обороны і леґіслатівны зміны, якы дотуляють ся його резорту. Озброєны силы СР подла нього знова вказали, же добрі фунґують і роблять барз добру роботу. Як припомянув, попередній рік позначіли война на Україні, міґрачна кріза, значне роснутя цін, але і внутрішньополітічна кріза. За пріоріты, котры плановав реалізовати в році 2023, означів іщі перед высловліньом недовіры владі проєкт накупліня накладных авт і ручной зброї. Стигнути хотів і підписаня реалізації інфраштруктурных проєктів.

(Медвідь, TASR)