Німецькый міністер загранічных діл Геіко Маас в понедільок крітіковав Росію, Білоросію і Кітай в повязаню з переслідованьом представителів опозіції або членів меншын. Його слова зазвучали на віртуалнім засіданю Рады Орґанізації зъєдиненых народів про людьскы права (UNHRC). „Наш обовязок дотримовати Общу декларацію людьскых прав не зохаблять жаден простор на свойвольне затримованя етнічных меншын, наприклад Уйґурів у кітайскім реґіону Сін-тіан, або порушованя обчанскых прав у Гонконґу з боку Кітаю,“ повів Маас. Орґанізація зъєдиненых народів за його словами не буде мовчати ани кедь суть затримованы участници покійных протестів і представителі опозіції, як того часу діє ся в Білоросії або Росії.

(Медвідь, TASR)