Сітуація главні на середній і выходній Словакії комплікує сніг, вітор, сніговы языкы і слизкавіця. На своїй інтернетовій сторинці о тім інформує Словеньскый гідрометеоролоґічный інштитут  (SHMÚ), котрый у данім звязку опублікував многы варованя. Варованя першого ступіня перед сніжіньом платив про Банскобыстрицькый і Жілінскый край до 12:00 годины. Про Кошыцькый і Пряшівськый край платить варованя другого ступіня. Насніжыти ту може аж 25 центіметрів нового снігу, што представує велику небезпеку про людьскы актівіты, як є транспорт і рушаня ся людей. (TASR, Pkf)