Поліція на мадярьско-словацькых граніцях у четверь робила превентівну подїю напрямену на потиснутя нелеґалной міґрації до ЕУ. На тисковій конференції о тім інформовали міністер внутрїшнїх дїл Матуш Шутай Ешток а віцепрезідент Поліцайного збору Растїслав Полаковіч. ,,Тов подїёв демонштруєме, же в области нелеґалной міґрації надале Словакія не є приятельсков державов про пашераків нелеґалных міґрантів. Же хочеме хранити шенґен, нашы граніцї, безпечность людей на Словакії і такыма подїями,“ повів Шутай Ешток. Міністер інформовав, же запоєных было 126 поліцайтів, насаджены были псы, служобны конї і шпеціалізована техніка як моторы ці дроны.

(TASR, Шутіова)