Посланці Народной рады Словацькой републікы закінчіли у віторок по півночі діскусію ку владній новелі Конштітуції СР. На кінцю выступила посланкыня Зузана Плевікова із партії Smer-SD, в пленумі представила позмінюючу пропозіцію, котров ся посувать платность новелы на 1-ый новембер. Підпредседа парламенту Петер Жіґа потвердив, же голосовати о новелі ся має днесь о 17.00 год. Міністер справедливости Борис Суско посланцям одповів на їх вызвы ку обсягу писма комісаря Европской комісії про справедливость, демокрацію і правну державу Майкла МекҐрата. Суско повів, же комунікація з еврокомісарьом є тайна, зато єй не може публіковати. Суско одшмарив, же бы новела Конштітуції СР была першым кроком ку выступліню з ЕУ. Новела натеперь не має ясну підпору 90 посланців, котру потребує. За новелу не будуть голосовати двоми посланці KDH – Франтішек Міклошко а Франтішек Маєрьскый. Затля новела не має ани ясну підпору посланця за Hlas-SD Яна Ференчака.

(Медвідь, TASR)