Презідент Петер Пеллеґріні одкликав двох членів Судной рады Словацькой републікы – Луцію Бердісову і Томаша Ґабріша. Тых до функції выменовала бывша презідентка Зузана Чапутова. Пеллеґріні вєдно з тым авізовав, же днесь выменує трьох новых членів Судной рады, з того єдного на місце члена, котрый функції зрік ся, респектівно му скінчів мандат. О персоналных змінах в Судній рады СР презідент інформовав вчера на пресовій конференції по стрічі з предсидательков рады Марцелов Косовов. Пеллеґріні повів, же вшыткы новы членове будуть із середовиска адвокації. Косова вірить, же новы членове будуть годны з причіны вырішуючой діятельности рады наступити до свойой функції штонайскоріше.

(Медвідь, TASR)