Председа посланецького клубу партії SMER-SD Мартін Ґылвач выголосив, же не бере пріоріты коалічной SNS теперь за важны. „Треба скоріше почекати на контрольны становиска на міністерстві школства, бо як сьте спостерігали, проблем не є о вартостях, але зачав кавзов на міністерстві школства.“ Коаліція є в крізі од минулого понеділька, коли председа парламенту і партії SNS Андрей Данко выповів коалічный договор і арґументовав тым, же треба змінити пріоріты у Проґрамовім выголошіню влады. Остатні коалічны їднаня о крізі мали быти в пятніцю, но премєр ся оправдав із здравотных причін. Многы включно коалічных політіків бісідують о тім, же Андрей Данко хотів выповіданьом договору лем перекрыти кавзу з роздільованьом дотацій з еврофондів на міністерстві, котре має на старости номінант його партії. Міністер Петер Плавчан має по дакілько днях мовчаня днесь выступати на пресконференції, в рамках котрой хоче бісідовати ку темі роздільованя грошей на його міністесртві, што вже зачало інтересовати і Брусел.
(Петро Медвідь)