Міністерство школства, дослідженя, розвоя і молодежі СР приправує концепт повинной предпрімарной едукації про дітей од трьох років. Увів то вчера міністер школства Томаш Друкер. Вірить, же го представлять в будучім року. Поважує го за єдно з ключовых опатрінь у одношіню к дітьом зо слабшого соціоекономічного середовища ці з марґіналізованых ромскых комуніт. Едукацію треба подля нього принести до што найскорішого віку дітины. (TASR, Pkf)