Од середы 10-го фебруара ся мінять условія вступу до Австрії. Пендлері будуть мати так як остатні путуючі повинность преуказати ся неґатівным RT-PCR або антіґеновым тестом не старшым як сім днів. Єдночасно ся мусять хоч раз за тыждень реґістровати через онлайн гарок. З  карантены мають выїмку. Выходить то з новелы наряджіня, котру прияла австрійска влада. На соціалній сіті о тім інформував штатный секретарь Міністерства заграничных справ і европскых діл СР Мартін Клус. Про путуючіх зо Словакії до Австрії платить вшеобецна 10-дньова карантена і повинність предложыти неґатівный тест. (TASR, Pkf)